Friday, September 18, 2009

കണ്ടപ്പോള്‍‌

കണ്ടപ്പോള്‍‌ മിണ്ടാനാണു തോന്നിയത്‌
ചിരികളില്‍ കണ്ടത് ചിരകാല സൗഹൃദം
മൊഴികളില്‍‌ കേട്ടത് പരിചിതശകലങ്ങള്‍‌
എന്‍റെ കഥബാക്കിയറിയുന്നതിവളുടെ കഥകളില്‍‌

മിണ്ടിയപ്പോള്‍‌ കൂടെക്കൂട്ടാനാണു തോന്നിയത്
ഒരുമിച്ചുണ്ണാനുമൊരുമിച്ചുണരാനും
പരിഭവമഴയില്‍‌ നനഞ്ഞുനടക്കാനും
കഥമുഴുമിപ്പാനുമിനിയൊരു കൂട്ട്

കണ്ടപ്പോള്‍‌ മിണ്ടാനാണു തോന്നിയത്‌
മിണ്ടിയപ്പോള്‍‌ കൂടെക്കൂട്ടാനും